მდებარეობა: თბილისი, საქართველო
განახლებული თოლიას ინტერიერის დიზაინის პროექტი მიზნად ისახავდა შეექმნა უფრო დახვეწილი და ხელმისაწვდომი ატმოსფერო, რომელიც დაუკავშირდებოდა ბრენდის ახალ პრემიუმ ხარისხის შეთავაზებებს. დიზაინის მეშვეობით ვეცადეთ შეგვეცვალა მოსაზრება, რომ თოლია მხოლოდ ბავშვების ფავორიტია ზაფხულში და დაგვემკვიდრებინა ის პოპულარულ მიმართულებად მათთვის, ვინც ეძებს ხარისხიან ყავას, ორცხობილას და, რა თქმა უნდა, ნაყინს. ამ მიზნის მისაღწევად, ყურადღება გავამახვილეთ ფერთა პალიტრაზე, რომელიც გამორჩეულია ლურჯი, ღია ლურჯი, თეთრი და ხის ტექსტურებით. ამ ფერების სიმსუბუქე და ფსიქოლოგია იწვევს სიმშვიდის, დახვეწილობისა და სანდოობის გრძნობას, ეს ყველაფერი შეესაბამება ბრენდის ახალ იმიჯს. პროექტში გამოყენებული ყველა ავეჯი, ბარის, დასაჯდომისა და მაგიდების ჩათვლით, ადგილობრივი წარმოების არის.
